شواية الشاورما المنزلية
قبل فتره شفت بأحد المواقع الأجنبيه شوايه صغيره منزليه إستانست عليها عاد بروحه غرامي الأجهزه وأدوات المطبخ، كنت بطلبها بس ترددت بسالفة الكهرباء، المهم حصلتها الإسبوع اللي طاف واحد كويتي يبيعها وكميه محدوده وعلى طول طلبتها وجزاه الله خير وصلها لي بكرتونها مبين يايبهم من بره الكويت وسعرها حلو ووزنها خفيف، وحالياً وفروها سيفكو، سويت فيها شاورما (دونر) حلوه حق يمعة الأهل بالشاليه أو المزرعه تونس بس يبيلكم تجربون أول حق عدد قليل علشان تتعودون عليها، الكميه إللي سويتها تقريباً فيها كيلو ونص وطلع لي أكثر من ٢٠ صمونه، عيبها إنها تطول شوي أقصد بالشاورما بس مو بالشيش طاووق وغيره
إهني أول ما بطلت الكرتون
وهذي المكينه طلعتها من الكرتون درجة حرارتها ثابته لكن تقدرين تتحكمين بالوقت يعني إشكثر تبينها تشتغل وتطفي
غسلت الأسياخ والصواني بالصابون
لازم نشغل المكينه ٢٠ دقيقه قبل لا نستخدمها علشان تطلع ريحة المصنع
تبلت اللحم وحطيته بالسيخ وغلفته بالنايلون علشان ينضغط ويصير قطعه وحده تالي دخلته الفريزر علشان يتماسك خليته شويه مو وايد تقريباً ساعه إلى ساعتين عاد إنتي إذا مو مستعيله خليه بالثلاجه أحسن
شوفي إشلون تغير اللون ونضجت من بره
وهذي صورة الشاورما بعد ما قطعتها، بشتري إن شاء الله المكينه اللي تقطع الشاورما نفس تركيا وأوروبا وايد أسهل بالتقطيع بجربها تالي أحطلكم صورتها
للطلب والإستفسار
99678979
بوغانم
بس خلي بالج انا عندياها و سويت فيها شاورما وايد ـ بس يوم سويت سيخين نفس اليوم اخر السيخ الثاني انفجرت الجامة اللي جدام و الحمد لله انه ماكان يمها احد
حمدلله على سلامتكم، بالنسبة لي استخدمتها اكثر من مره واخليها شغاله مده طويله والحمدلله ما انكسر الزجاج بس ما يمنع الاحتياط واجب مشكوووره على التتبيه